હૈદરાબાદના ઘર ખરીદનારાઓ મોટા મકાનોની તરફેણ કરે છે

YUGEN REALTY, SURAT

હૈદરાબાદ જેવા ટાયર વન સિટીમાં  ઘર ખરીદનારાઓ મોટા, મોંઘા ઘરો ઉપર પ્રથમ પસંદગી ઉતારતા હોવાનું એક અભ્યાસના તારણમાં સામે આવ્યુ છે. મકાનોના વેચાણ મૂલ્યમાં 27% જેટલો વધારો જોવા મળી રહ્યો  હોવાનું  સ્ક્વેર યાર્ડ્સના અભ્યાસનું તારણ છે.

સ્ક્વેર યાર્ડ્સ દ્વારા જાહેર કરવામાં આવેલા અહેવાલમાં જણાવ્યા મુજબ, હૈદરાબાદ શહેરમાં  એપ્રિલથી જૂન સુધીના 2024ના સમયગાળા દરમિયાન વાર્ષિક 11 ટકા અને ક્રમિક રીતે 4 ટકા બંનેમાં નોંધાયેલા મકાન વેચાણના  વ્યવહારોમાં વૃદ્ધિ જોવા મળી હતી. IGR માં કુલ 19,574 વ્યવહારો નોંધાયા હતા, જે શહેરની વાઇબ્રન્ટ રિયલ એસ્ટેટ ક્ષેત્રની હાલની સ્થિતિને ઉજાગર કરે છે.

જૂન 2024 ક્વાર્ટરમાં, નોંધાયેલા વેચાણ મૂલ્ય વધીને રૂ. 11,953 કરોડ થયું હતું.  જે ગયા વર્ષના સમાન સમયગાળા કરતાં મજબૂત રીતે  27 ટકાનો વધારો દર્શાવે છે. હૈદરાબાદમાં સરેરાશ નોંધાયેલ ઘરનું વેચાણ મૂલ્ય વધીને રૂ. 61 લાખ થયું જે  15 ટકા વાર્ષિક વૃદ્ધિ દર્શાવે છે. આ સ્થિતિને અનુરૂપ, વચ્ચેની કિંમતની મિલકતો માટેના વ્યવહારોનો હિસ્સો રૂ 50 લાખ થી 1 કરોડ સુધીની કિંમતોના મકાનોમાં જૂન ક્વાર્ટરમાં વધીને 28 ટકા થયો હતો, જે અગાઉના વર્ષના સમાન ગાળામાં 21 ટકા હતો. વધુમાં વચ્ચેની કિંમતની મિલકતો માટેના વ્યવહારોનો હિસ્સો. 1થી 2 કરોડ એટલે  લગભગ બમણો થયો છે, જે સમાન સમયગાળામાં 8 ટકાથી વધીને 14 ટકા થયો છે. આમ સમગ્રતઃ જોતા હૈદરાબાદના રિઅલ એસ્ટેટમાં અલગ અલગ કેટેગરીના મકાનોના વેંચાણમાં વૃધ્ધી જોવા મળી રહી છે જે ત્યાંના સ્થાનિક રિઅલ એસ્ટેટ માર્કટ માટે સારા સંકેતો આપે છે.

______________________________________________________

Disclaimer : This information has been collected through secondary research and Yugen Realty Newspaper is not responsible for any errors in the same.

યુગેન રિઅલ્ટી ન્યુઝ પર સ્થાનિક, રાષ્ટ્રીય, આંતરરાષ્ટ્રીય, બિઝનેસ સહિતના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.

FACEBOOK | LINKEDIN  | INSTAGRAM | X (TWITTER) | PINTEREST | TELEGRAM | WHATSAPP | YOUTUBE

વધુ સમાચાર વાંચો :