Estimated reading time: 5 minutes
YUGEN REALTY, SURAT
સુરત સ્થિત શ્રી રંગકલા ગ્લાસ ડિઝાઇન પ્રાઇવેટ લિમિટેડે તેની શરૂઆતથી જ આર્કિટેક્ચરલ ગ્લાસ આધારિત પ્રોડક્ટ ડિઝાઇનના ક્ષેત્રને નવી રીતે પરિભાષિત કર્યું છે. ગ્લાસમાં તેમનાં વેલ્યુ એડિશન, ડિઝાઇન, આર્ટ અને મટીરીઅલ્સનાં સુમેળભર્યાં મિશ્રણને કારણે તેઓ આર્કિટેક્ચરલ એક્સપર્ટ્સ અને એન્ડ-યુઝર્સ બંને તરફથી પ્રશંસા અને સ્વીકૃતિ મેળવી રહ્યા છે.
2001માં, વિઝનરી શ્રી પ્રશાંત ભગતે આર્કિટેક્ચરલ અને ઈન્ટિરિયર ડિઝાઈન ક્ષેત્રમાં ઝડપી ફેરફારો જોયા. આ ફેરફારો વિશે સમજીને, તેમણે નવા અને વૈવિધ્યસભર મટીરીઅલ્સના ઉપયોગો રજૂ કરવાના ઉદ્દેશ્ય સાથે સુરતમાં એક યુનિટ શરૂ કર્યું. પરફેક્ટ પ્રિસિઝન, વૈવિધ્યસભર પ્રોડક્ટ રેન્જ અને સમયસર ડિલિવરી માટે પ્રતિબદ્ધતા સાથે, કંપનીએ પોતાને માત્ર ભારતીય સીમાઓ સુધી મર્યાદિત ન રાખતાં આંતરરાષ્ટ્રીય બજારો સુધી ક્ષિતિજો વિસ્તારી. હવે આ કંપની દુબઈ, યુએસએ, યુકે, ઑસ્ટ્રેલિયા અને દક્ષિણ આફ્રિકા જેવા પ્રદેશોમાં સંતુષ્ટ કસ્ટમર બેઝ ધરાવે છે. આફ્રિકામાં પણ તેમની કંપનીની શાખા કાર્યરત્ છે.
ગ્લાસની શોપમાં જોબથી મંદીને શ્રી રંગકલા ગ્લાસ ડિઝાઇન પ્રાઇવેટ લિમિટેડની સ્થાપના સુધી, દરેક પગલું ગ્લાસની ડિઝાઇનની દુનિયામાં અતૂટ જુસ્સા અને ઇનોવેશનની અવિરત શોધની સફર છે. 5મા ગ્લાસ બુલેટિન એવોર્ડ્સ 2023માં મોસ્ટ ઇનોવેટિવ પ્રોડક્ટ એવોર્ડ મેળવવો એ શ્રેષ્ઠતા પ્રત્યેની અમારી પ્રતિબદ્ધતા અને અમારી ડિઝાઇનમાં કલા અને મટીરીઅલમાં ઝળકે છે. પોતે અને પોતાની ટીમને પ્રેરિત રાખીને વર્તમાન સિદ્ધિઓ સાથે ભવિષ્ય પાર અમારી નઝર છે. સતત આગળ વધવું અને માત્ર અમારી કંપની જ નહિ શહેર અને દેશ પણ ગૌરવાન્વિત થાય તેવું કામ કરવું એ જ અમારો ઉદ્દેશ્ય છે.
કંપનીની લીડરશિપે તેના ભવ્ય વિઝનને આગળ વધારવામાં મહત્ત્વની ભૂમિકા ભજવી છે. ફાઉન્ડર શ્રી પ્રશાંત ભગત અને મેનેજિંગ ડિરેક્ટર અમિત ભગતે મળીને શ્રેષ્ઠ પરિણામ મેળવવા માટે પ્રતિબદ્ધ, કાર્યક્ષમ અને સમર્પિત ટીમ બનાવી છે. બેન્ડ વિથ લેમિનેશન, વ્હાઇટ લેમિનેશન અને ફ્રોસ્ટેડ લેમિનેશન જેવી લેમિનેશન સિરિઝથી લઈને બેન્ડ સાથે લેમિનેશન સિરિઝ અને ગ્લાસ ક્રિએટિવ્સ સુધીનો તેમનો પ્રોડક્ટ પોર્ટફોલિયો વિશાળ છે, જેમાં કલાત્મક કાર્વિંગ વર્ક સાથે વૉશબેસિન્સ અને મિરર સેટનો સમાવેશ થાય છે. ગ્લાસ આધારિત ડિઝાઈન માટે કંપની તેના સર્વગ્રાહી અભિગમ પર ભાર મૂકતા કિચન, મંદિરો અને દરવાજા માટે તૈયાર કરાયેલ પ્રોડક્ટની વિવિધતા સાથે સતત આગળ વધી રહી છે.
કંપનીના નવા અભિગમને કારણે તાજેતરમાં મુંબઈમાં યોજાયેલા પ્રતિષ્ઠિત 5મા ગ્લાસ બુલેટિન એવોર્ડ્સ 2023માં તેને સન્માન મળ્યું હતું. શ્રી રંગકલા ગ્લાસ ડિઝાઇન પ્રાઇવેટ લિમિટેડને મોસ્ટ ઇનોવેટીવ પ્રોડક્ટ એવોર્ડથી સન્માનિત કરવામાં આવી હતી. આ સન્માન કંપનીના નાવીન્યસભર અભિગમ અને ગુણવત્તાની સાબિતી છે.
આર્કિટેક્ચરલ લેન્ડસ્કેપમાં તેમના નોંધપાત્ર યોગદાન પૈકી એક સુરત ડાયમંડ બુર્સમાં મુખ્ય પ્રવેશદ્વાર ‘ડ્રિમસિટી ગેટ’નું ગ્લાસ એલિવેશન કંપની દ્વારા કરવામાં આવ્યું છે. આવા નોંધપાત્ર સાહસમાં તેમનું યોગદાન ઉદ્યોગમાં તેમના અગ્રણી સ્થાનને વધુ મજબૂત બનાવે છે.
ઇનોવેટિવ ડિઝાઇન ઉપરાંત, કંપની તેની અદ્યતન પ્રોડક્શન ક્ષમતા પર ગર્વ અનુભવે છે. ગુજરાતના સુરતમાં આ 21,000 સ્ક્વેર-ફૂટ હબ પ્રોડક્ટ્સ ડિલિવર કરવા માટે અદ્યતન યુરોપિયન ટેક્નોલોજીનો ઉપયોગ કરે છે, જે કાર્યક્ષમતા સાથે સુંદરતાને સંપૂર્ણ રીતે જોડે છે. કંપનીની ટેગલાઇન, ‘Because we realize what you conceptualize (તમે જે કલ્પના કરો છો તે અમે બનાવી આપીએ છીએ),’ તેમની કસ્ટમાઇઝ્ડ ગ્લાસ ઓફરિંગમાં 100% પ્રિસિઝનની ખાતરી કરીને, વિઝનને વાસ્તવિકતામાં બદલવાની તેમની પ્રતિબદ્ધતાનો સમાવેશ થાય છે.
તેમની આ બિઝનેસ ફિલોસોફી તેમના દરેક કાર્યમાં પ્રદર્શિત થાય છે, જેમાં CNC કટીંગ લાઇન્સ, એનગ્રેવિંગ, એજ પોલિશિંગ, બેવલ-એજ, બેન્ડ ગ્લાસ અને લેમિનેશન ટેક્નોલોજીનો સમાવેશ થાય છે. ડીજિટલ પ્રિન્ટીંગમાં કંપનીનો પ્રવેશ તેમને ગ્લાસ અને મેટલથી લઈને વૂડ અને કેનવાસ સુધીના વિવિધ 13થી વધુ મટીરિઅલ સરફેસને છાપવા માટે સક્ષમ બનાવે છે, જે ગ્રાહકોની જરૂરિયાતો પૂરી કરે છે.
2002માં શ્રી પ્રશાંત ભગત દ્વારા પેશન પ્રોજેક્ટ તરીકે શરૂઆત કરવામાં આવી હતી. 2017માં તે શ્રી રંગકલા ગ્લાસ ડિઝાઇન પ્રાઇવેટ લિમિટેડ બન્યું અને એક લેન્ડમાર્ક હાંસલ કર્યો. સતત વિકસતા રહેવું રંગકલાના ડીએનએમાં છે. કંપનીનું સમર્પણ, નાવીન્ય અને રંગ અને કલાના સીમલેસ મિશ્રણનું એક જીવતું જાગતું ઉદાહરણ છે, જે તેમની દરેક પ્રોડક્ટમાં ઉડીને આંખે વળગે છે.
શ્રી રંગકલા ગ્લાસ ડિઝાઈન પ્રાઈવેટ લિમિટેડના સુકાની શ્રી પ્રશાંત ભગતની ગ્લાસ વેચવાની દુકાનમાં એક નાની નોકરી કરવાથી લઈને અહીં સુધીના સફર તેમના જુસ્સાની બેજોડ કથા છે. ગ્લાસના પોટેન્શિયલમાં તેમની ઊંડી સમજણે એક સામાન્ય શરૂઆતને એક અગ્રણી કંપનીમાં પરિવર્તિત કરી. તેમની વિઝનરી લીડરશીપ હેઠળ, એક નાની દુકાનથી જે શરૂ થયું હતું તે હવે વૈશ્વિક સન્માન સુધી પહોંચ્યું છે. ભગતની સ્ટોરી ઉદાહરણ આપે છે કે દૃઢ નિશ્ચય અને વિઝન સાથે, ગમે તેટલા મોટા સપના સાકાર કરી શકાય છે.
શ્રી રંગકલા ગ્લાસ ડિઝાઈન પ્રાઈવેટ લિમિટેડ સ્પષ્ટ વિઝન, નવીનતા પ્રત્યે સમર્પણ અને શ્રેષ્ઠતા માટે અતૂટ પ્રતિબદ્ધતા સાથે શું પ્રાપ્ત કરી શકાય તેનું ઉમદા ઉદાહરણ છે. આ કંપનીએ ગ્લાસ ડિઝાઇન ઉદ્યોગમાં નવા માપદંડો નિર્ધારિત કર્યા છે. ભવિષ્યમાં આ ગતિશીલ ટીમ પાસેથી વધુ ગ્રાઉન્ડબ્રેકિંગ સિદ્ધિઓની અપેક્ષા રાખવામાં આવે તો ખોટું નથી.
______________________________________________________
Disclaimer : This information has been collected through secondary research and Yugen Realty Newspaper is not responsible for any errors in the same.
યુગેન રિઅલ્ટી ન્યુઝ પર સ્થાનિક, રાષ્ટ્રીય, આંતરરાષ્ટ્રીય, બિઝનેસ સહિતના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | LINKEDIN | INSTAGRAM | X (TWITTER) | PINTEREST | TELEGRAM | WHATSAPP | YOUTUBE
